“Oltin qalam” XVIII milliy mukofoti uchun xalqaro tanlov
O‘zbekiston Jurnalistlar uyushmasi milliy va xalqaro jurnalistikaning eng yuksak yutuqlarini keng ommalashtirish maqsadida “Oltin qalam” XVIII milliy mukofoti uchun xalqaro tanlovni eʼlon qildi.
Tanlov natijalari va g‘oliblarga mukofotlarni topshirish 3 may – Jahon matbuoti erkinligi kuni arafasida bo‘lib o‘tadi.
Asosiy mukofotlar qatoriga “Chet ellik jurnalistning O‘zbekiston haqidagi eng yaxshi materiali uchun” nominatsiyasi kiritildi.
Tanlov shartlari:
Tanlovda 2023 yilning 31 martidan 2024 yilning 31 martigacha bosma va internet nashrlarda eʼlon qilingan, radio va televideniyeda efirga uzatilgan 5 tadan 7 tagacha materiallar ko‘rib chiqiladi.
Audio, video materiallarning davomiyligi 3 daqiqadan 30 daqiqagacha, annotatsiyasi bilan yuborilishi kerak.
Materiallarning skaner qilingan yoki chop etilgan asl nusxalari taqdim etilishi lozim (tarjimasi bilan).
Tanlovga yuborilgan materiallarga quyidagilar ilova qilinishi lozim:
- muallif va uning professional faoliyati to‘g‘risidagi qisqacha maʼlumot (obyektivka);
- pasport nusxasi, telefon raqami va elektron pochtasi.
