Farg‘onada II. “Xalqaro hunarmandchilik festivali” va “Xalqaro kulolchilik forumi” o‘tkaziladi
Joriy yil 21-23 sentyabr kunlari Qo‘qon shahrida II “Xalqaro hunarmandchilik festivali” va unga uyg‘un holda Rishton tumanida “Xalqaro kulolchilik forumi” o‘tkaziladi.
Festivalda ishtirok etishni istagan xorijlik hunarmandlar, ilmiy-amaliy konferensiya ishtirokchilari, nufuzli mehmonlar va ommaviy axborot vositalari vakillari ushbu sayt orqali onlayn tarzda ariza berib ro‘yxatdan o‘tadilar.
Xalqaro hunarmandchilik festivaliga 5 ta qitʼadan 220 dan ortiq, Kulolchilik forumiga 50 dan ortiq hunarmand, bundan tashqari ommaviy axborot vositalari, konferensiya ishtirokchilari hamda nufuzli tashkilot vakillaridan faxriy mehmonlar xalkaro hunarmandchilik tashkiloti mutaxassislari, Butunjahon Hunarmandlar kengashi rahbarlari, Santa-Fe (AQSH) “Xalqaro xalq amaliy sanʼati bozori” festivali, yirik ko‘rgazma tashkilotlari vakillari taklif etilishi rejalashtirilgan.
“Hunarmand” uyushmasi tomonidan Ikkinchi “Xalqaro hunarmandchilik festivali” veb-sayti yaratildi: www.ceramicforum.uz
